ലണ്ടന്‍: 2013 ലെ ലോക യുവ വന്യജീവി ഫോട്ടോഗ്രഫര്‍ക്കുള്ള അവാര്‍ഡിന് ഇന്ത്യക്കാരനായ ഉദയന്‍ റാവു പവാര്‍ അര്‍ഹനായി.മുതലയുടെ തലയ്ക്ക് മുകളിലിരുന്ന് നീങ്ങുന്ന മുതലക്കുഞ്ഞുങ്ങളുടെ ചിത്രമാണ് ഉദയന് അവാര്‍ഡ് നേടിക്കൊടുത്തത്. ബ്രിട്ടനിലെ നാച്ചുറല്‍ ഹിസ്റ്ററി മ്യൂസിയവും ബി.ബി.സി വേള്‍ഡ്‌വൈഡും ചേര്‍ന്ന് നല്‍കുന്ന അവാര്‍ഡിനാണ് 14 കാരനായ ഉദയന്റെ ചിത്രം തിരഞ്ഞെടുക്കപ്പെട്ടത്. മദേഴ്‌സ് ലിറ്റില്‍ ഹെഡ്ഫുള്‍ എന്ന ചിത്രമാണ് ഉദയനെ ലോക അവാര്‍ഡിന് അര്‍ഹനാക്കിയത്. മധ്യപ്രദേശിലെ ചമ്പാല്‍നദിക്കരയില്‍ വെച്ചാണ് ഈ ചിത്രം ഉദയന്‍ തന്റെ ക്യാമറയില്‍ പകര്‍ത്തിയത്.